Урин дулаан цаг ирж байгаатай холбогдуулан өнөөдөр Хөтөл хотод нийтийн их цэвэрлэгээ зохион байгууллаа. Их цэвэрлэгээнд сумын ЗДТГ болон байгууллага, аж ахуйн нэгж байгууллагуудын албан хаагчид, иргэд идэвх санаачилгатай оролцож нийтийн эзэмшлийн гудамж, зам талбай болон ойр орчмынхоо хог хаягдлыг цэвэрлэлээ.
Хүний эрүүл мэнд, амьдралын чанар нь хүрээлэн байгаа орчны физик, хими, биологи, нийгэм болон сэтгэлзүйн хүчин зүйлээр тодорхойлогддог. Орчны бохирдол нь хүн амын өвчлөлийг 20-30 хувиар нэмэгдүүлж байдаг. Тиймээс иргэд та бүхэн амьдарч буй орчиндоо цэвэр байдлыг эрхэмлэн, хогоо ил задгай хаяхгүй байхад онцгой анхаарах шаардлагатай байна.
Tweet